ما هضمني الباگ بيتي او خذه الغالي من الحلال
رحت اتفگد الموگد شفت مبيوگه الدلال
ادلالي من اهلي اورثتهه او بيهه بصمات الرجال
او كون اعرف بوّاگ ادلالي
لگيت الدله عند معتاد يفتر بلحرج بيهه
گلت يا حيف علي الدله او علي ايام اهاليهه
خذتهه ابگوه من عنده او نطيته اشما طلب بيهه
او رديت الدله اويه ادلالي
فرحت الدله حين شافت گمگمي
او گالت نار المواگد حيل بصفاح ابرمي
نارچ اهون ولا بسوگ انرمي
او تعامل بيه الشرايه
هوسات الي المرحوم طاهر السلامي